كيكه شيف نسمه فتحي

           كيكه   شيف نسمه فتحي

     السلام عليكم. انهارده عملت كيك سهله جدا ومش مكلفه. وطعمها يجنن تسمي كيكه الشاي او كيكه الخلاط المقادير
عدد ٥ بيضات
كوبان ونصف دقيق فاخر
كوب ونصف سكر ويزيد حسب الرغبه
كوب لبن او زبادي او عصير برتقال مع بشر برتقال
نصف كوب زيت وربع سمن
٣ معلاق نسكافيه او ٢ معلقه كاكاو حسب الرغبه
١ معلقه خل ٢ باكو فانليا. كيك شيف. معلقه وربع ذره ملح
الطريقه
ف الخلاط او المضرب الكهربي نضع البيض + السكر + الخل + فانليا ونستمر ف الضرب. الي ان يتضاعف الخليط ثم اللبن ونستمر ف الضرب ثم الماده الدهنيه
ثانيا نفرغ المحتويات ف اناء ونقوم بوضع الدقيق تدريجيا ونلف ف اتجاه واحد مع البودر وذره الملح نقسم الخليط قسم زي مهو وقسم ثاني يكون اقل حبه نضع عليه الكاكاو

ثالتا ف ذاك الوقت تكون مسخن الفرن ع درجه الحراره ١٨٠ ونبطن صينيه التي تفضلها ونضع الجزء الساده ثم الجزء التاني الل مضاف اليه الكاكو. ويدخل الفرن ولا نفتح عليه غير بعد ٣٠ دقيقه. حتي لا تهبط. ونختبر سواه. مع مراعاه تظبيط فرنك وشبكه الفرن والصينه قاعها مظبوط عشان تكون مظبوطه وبالهنا

مع تحيات   نسمه فتحي

تورته مشاركه Amira Shiref

       

                      تورته مشاركه   Amira Shiref 

تورته بتزين بسيط أول مشاركه معاكوا مقادير الاسبونج نص كيلو دقيق اسبونج6بيضاتربع كوب ماء الطريقه/ تضرب البيض دققتين ونضيف عليه باقي المكونات ونضربهم تقريبا ربع ساعه نبطن صنيه مقاس 22او24-وتدخل فرن حراره 180ساعه الأربع زينتها بكريم شانتيه وصوص شوكولاته الصوص عباره عننص كوب ماء مغلي وشيلته من علي النارضقت ليه كيس لبن بودره ومعلقتين كاكاو وقطعه شكولا ته خام وبس

مع تحيات 

Amira Shiref

بسكوت السابليه الوصفه ام سندس ام سندس

   

                  بسكوت السابليه  الوصفه ام سندس ام سندس

2كوب ونصف دقيق وممكن يزيد شويه
وزره ملح
بنضرب الذبده مع السكر كويس وبعد كده نحط الصفار والفنليا ونضرب وبعد كده نوقف ونحط الدقيق تدريجى. ونريحها فى التلاجه ربع ساعه ونشكيلها
وبلهنا والشفاء

البتيفور وصفه الشيف نسمه فتحي

                 البتيفور وصفه الشيف نسمه فتحي

    السلام عليكم البيتي فور بطريقه سهله جدا يدوي او بمضرب اذا حبيتي وديما بعمله للعرايس وبيكون احسن من المحلات
المقادير كوبان ونصف دقيق فاخر كوب ونصف زبده بحراره المطبخ او سمنه كوب سكر بودره 1 بيضه + صفار بيضه 2 باكو فانليا ربع معلقه صغيره بودر 2 معلقه كاكاو للتزين مربي اي نوع تفضليه شكولاته فرماسيه ملونه ومكعبات شكولاته مسيحه علي حمام بخار بمعلقه زيت الطريقه 1- في وعاء او ( المضرب الكهربي )نضع الزبده + السكر البودر ونضرب اللي ان يصبح لونه كريمي مع استمرار الضرب ثم نضيف البيضه

والصفار والفانليا وممكن نضيف ربع معلقه خل اختياري ونستمر في الضرب 2 نضيف الدقيق والبودر وذره الملح مع مراعاه الاضافه تدريجي الا ا تلم معك العجينه نقسم العجينه ونضيف 2 معلقه كاكاو علي نصفها مع مراعاه حذف 2 معلقه دقيق مكان الكاكاو نترك العجينه ترتاع حاولي ثلث ساعه ونبد نشكلها بالماكينه الخاصه بالبيتيفور او قمع بلح الشام او كيس الحلواني وعند استعمال الكيس يجب ان تقللوالصفار والفانليا وممكن نضيف ربع معلقه خل اختياري ونستمر في الضرب

2 نضيف الدقيق والبودر وذره الملح مع مراعاه الاضافه تدريجي الا ا تلم معك العجينه نقسم العجينه ونضيف 2 معلقه كاكاو علي نصفها مع مراعاه حذف 2 معلقه دقيق مكان الكاكاو نترك العجينه ترتاع حاولي ثلث ساعه ونبد نشكلها بالماكينه الخاصه بالبيتيفور او قمع بلح الشام او كيس الحلواني وعند استعمال الكيس يجب ان تقلل

الدقيق حبه لتسهيل عمليه التشكيل 3- تسويته ي فر حراره هادئه ونتركه يهدا ثم نقوم بعمليه التزين وبالهنا

 Fathy

رضا

حمام محشي فريك للشيف نسمه فتحي

حمام محشي فريك للشيف نسمه فتحي

المقادير.

حمامه واحده. علي قد مسويت. ويمكن مضاعفه العدد حسب رغبتك وعدد افراد الاسره نصف كوب فريك منقوع لمده ساعتين بصله مقطعه. واحد فلفل حار وتمره فلفل بارد كبد وقوانص الحمام. توابل ملح فلفل بشره جوزه الطيب بوكيه جارنيه لسلق الحمامه ماده دهنيه زيت سمنه حسب رغبتك مكعب مرق معلقه صلصله او كاتشب اذا وجد

الطريقه

اولا نقوم بتنظيف الحمام من الريش. ونقعه بملح وخل دقيق وغسله جيدا ثانيا نصفي الفريك وع النار ف وعاء ماده دهنيه + البصله + المكعب مرق مع التقليب + بشره حوزه الطيب + المكبد والقوانص ويقلب جيدا. + الفريك يدوب. يتقلب. ولا يحتاج اللي. تزويد مياه للسوي لانه منقوع. ونضيق الفلفل. االمقطع. وممكن حسب الرغبه. عود كرفس. او بقدونس مقطع. وبهارتك وتكاتك وملحك حسب رغبتك ثالتا. ف حله فيها بوكيه جارنيه. وتغلي وعقبال متغلي نستغل الوقت ف حشي الحمام ونقفلها بالخله والخيط. ونضعها ف البوكيه جارنيه نراقب سوها. وملوحوظه عدم حشي الحمام. بكميه كبيره عشان ميفرقعش. رابعا بعد السوي اختياري وبرغبتك. لاما تحمري لاما تدخليه الفرن بعد دهننه صلصله او كاتشب وماده دهنيه وانا افضل هذا عشان نققلل من الدهون وبالهنا والشفا.

مع تحيات الشيف نسمه فتحي

رضا

القرص الطريه وصفه الشيف أولادي نور عيني

  القرص الطريه  وصفه الشيف أولادي نور عيني

مساء الخير يابنات اخباركم ايه يارب تكونوا بخير النهارده انا جايبلكم قرص بالسكر بس مش كدابه متخفوش قرص هشه جدا زي الاسفنج وجميله وطعمها بجد تحفه عملتلكم فيديو صغير علشان تشوفوا انه طري وهش جداعايزه احلي تفاعل من احلي جروبالقرص الطريه بطريقتي : المقادير: كيلو دقيق ، نص كوب ذبده، كوب سكر عادي، معلقه كبيره مليانه خميره، رشه ملح، معلقتين كبار لبن بودره ، بيضتان، فانيليا.

الطريقه:

تخلطي الملح والخميره الفوربه واللبن البودره مع الدقيق وتقلبيهم و علشان القرص تطلع مطعمه معاكي وريحتها حلوه تكون الذبده طريه تنزلي بيها علي الدقيق وافركيها حلو بالدقيق بحيث كل حبه دقيق تكون متشربه من الذبده وتمسكي البيض وتحطي عليه السكر والفانيليا وتضربيهم مع بعض واخدي في طبق معلقتين كبار من البيض اللي ضربتيه علشان ندهن بيه وش القرص وتنزلي بيهم علي الدقيق وتفركيهم بردوه وبعدين تعجني بالميه لغايه ما تديكي عجينه طريه ملساء تسبيها تخمر وبعد الخمور تشكليها كور وتحشي بمعلقه صغير سكر وتقفليها وتكوريها وتحطيها في الصاج المدهون زيت وتبططيها وتدهني الوش بالبيض اللي سبناه بس زودي علي البيض معلقتين زيت ومعلقتين لبن وادهني ورشه سمسم وسيبيه يخمر ودخليه فرن درجه حراره ٢٠٠ لغايه ما يستوي اول مايخرج من الفرن تغطيه بفوطه نضيفه وبالهنا والشفا علي قلبكم ياقلبي

مع تحيات أولادي نور عيني

تورته بالشكلاته للشيف يسرا محمد عبد الفتاح

   

                  تورته بالشكلاته    للشيف يسرا محمد عبد الفتاح

المقادير نص كيلو دقيق اسبونج و6بيض ونص كوب ميه وفانيليا ومعلقه محسن جيل نضرب كل المقادير حوالى ربع ساعه لم تتضاعف الخليط وفى قالب 22 أو 24 تسويه 45 دقيق ودرجة الحرارة 180 لم تطلع تبرد ويفضل تانى يوم التزويق الكريمه حشو وتزويق كريمه شانتى وموس شكولا ومعلقين صوص شوكلاته واحشى واغلف التورته وصوص الشكولا نص كوب كريمه لبانى وكوب شكولا مبشوره ومعلقه عسل جلوكوز ومعلقه زبده والتزويق حسب الرغبة

الفراخ الكنتاكي أو الدجاج المقرمش وصفه اولادي نور عيني

              الفراخ الكنتاكي أو الدجاج المقرمش  وصفه اولادي نور عيني

 

ايوه صحيح دي الفراخ المقرمشه او كنتاكي اللي بنشتريها غاليه وليه مااحنا نوفر ونعملها في البيت ارخص وانضف يلا تفاعلكم اللي بحبه علشان انزل بالطريقه

المقادير: فرخه مقطعه قطع مش كبيره بس انا كان عندي دبابيس عملتها بيها ، معلقه كركم ،معلقه توم بودره، معلقه بصل بودره ،بابريكا، معلقه قرفه بودره، معلقه جنزبيل بودره، نص معلقه حبهان بودره ، فلفل اسود ، ملح، ٣معالق كبار مليانه دقيق، كوب لبن، دقيق للتغليف

الطريقه: بصي ياعسل منك ليها ركزي معايه هنجيب طبق غويط ونحط فيه كل البهارات والدقيق مع بعض ونقلبهم كويس وننزل عليهم باللبن وتقلبي لغايه ما يبقي قوامه زي الكريب وهنا بقي انتي غسلتي الفرخه وقطعتيها قطع مش كبيره علشان تستوي يعني الورك علي اتنين الصدر علي اربعه وتنزلي بيهم في الخليط اللي احنا عملناه وتقلبيهم كويس جدا ولازم الخليط يغطي الفراخ علشان تتبل حلو يعني المقادير دي لفرخه وزنها كيلو وتسيبيها ياقمر تتبل ساعتين ونيجي بقي للخطوه الاخيره انك تجيبي حله مقاس ٢٠يعني مش كبيره تبقي ملمومه وتحطي فيها زيت غزير بمعني بالنظر تغطي تقريبا قطع الفراخ وتطلعي الفرخه من التتبيله وتنزليها في الدقيق واقلبيها كويس علشان تتعفر كويس بالدقيق ونزليها في الزيت السخن تحطي حوالي تلت قطع وتهدي النار عليهم شويه وتكوني مغطيه الحله وخدي بالك من الزيت وانتي بترفعي الغطا واول ما تلاقي لونها اصفر اقلبيها علي الناحيه التانيه لغايه ماتستوي اوعي تعلي النار نار ااقل من الوسط بشويه علشان تستوي من جوه حلو وطلعيها من الزيت علي ورقه مناديل وبالهنا والشفا علي قلبكم

الفطير المشتلت وصفه أم مريم أحلي شيفات عندنا مع ام مريم

   

             الفطير المشتلت  وصفه أم مريم أحلي شيفات عندنا مع ام مريم

صباح الفطير

انا عملت الفطيييير المشلتت هاتوا انتوا الجبنه 😂😂😂😂😂😂المقادير
كيلو دقيق
100جرام سكر (نص كوب)
نصف لتر ماء / رشة ملح صغيرهربع كيلو ذبده بيضه او اكتر من الربع وممكن كمان ذبده حلوبه

الطريقه

يعجن كله مع بعضه يترك يريح وبعد ذلك يفرد ويزيدويلف رول ويقطع قطع حسب الحجم يفرد ويلف كورثم يترك يريح وينفرد ويدخل الفرن على نار عاليه..وندهن الوجه زيت او سمن والف هنا وشفا يارب## أن شاء الله هنزلكم بوست شرح بالصور طريقه عمل الفطير###

مع تحياتي     ام مريم

 

😂

😂

تورته البلاك فورست مشاركه الشيف شيماء شرف الدين

تورته البلاك فورست  مشاركه الشيف شيماء شرف الدين

 المقادير

10 بيض بدرجه حراره الغرفه 

كوب سكر 

كوب وثلاث ارباع سكر ابيض عادي
عصير نصف ليمونه 

رشه ملح
يضرب هذا الخليط لمده لاتقل عن ربع ساعه ثم نحضر المواد الجافه 

2 وثلاث ارباع كوب دقيق
1 باكو بيكنج بودر

ملعقه صغيره فانليا
لو عاوزها بالكاكاو 

نشيل ملعقتين كبار دقيق ونضع بدالهم ملعقتين كبار كاكاو نضيف المواد الجافه علي 3 مرات مع التقليب بالراحه من تحت لفوق 

بالملعقه نحضر صينيه مستطيله او مدوره وندهنها جيدا بالسمنه البلدي ونصب الخليط مباشره وبشويش ونضعها في فرن مسخن علي 180 درجه لمده نصف ساعه

تاخذ حوالي من ساعه  الا ربع لساعه منفتحش الفرن الا بعد ساعه الا ربع بعد ماتخرج نقلبها فورا علي منخل سلك والتزين مره ثانيه

يستحسن نتركها اليوم التالي حتي لاتتفتت 

نقسم الكيكه بسكين كبير مشرشر 3 اقسام ونسقي الطبقات شربات خفيف ونضع الكريمه بين الطبقات ونغطي الكيكه بالكريمه ونضع في الجوانب شوكلاته مبشوره وعلي الكيكه وردات كريمه وكريز وشوكلاته شرايح

 وبالهنا والشفا

مع تحياتي      الشيف شيماء شرف الدين

بوريك بالجبنه مشاركه أم مريم

          بوريك بالجبنه  مشاركه أم مريم 

كليو دقيق 

ملعقتين صلصه

ملعقه كبيره خميره

200 جرام سمن حوالي مج الشاي الشفاف

200 جرام سكر

جبنه للحشو 

حبه البركه   وسمسم  وبيضه وفانيليا للتلميع

ماء حسب احتياج العجين 

الطريقه
ماء وسمن وسكروخميره وصلصه ندوبهم للتلميع 

وببعدين الدقيق نعجن العجين كويس جدا ونتركه يخمر وبعد كده 

نقطع العجين قطع صغيره ونكورها وبعدين تبطتيها وتحطي الجبنه وممكن معاها بسطرمه وتقفليها شكل القطايف 

وبعدين تلميعها وتتركيها تخمر

وعلي الفرن 

وبالهنا والشفا

مع تحياتي  اختكم   ام مريم

طريقه عمل الميل فاي للشيف يسرا محمد

     طريقه عمل الميل فاي  للشيف يسرا محمد

 المقادير

500 جرام دقيق

15 جرام ملح

275 ماء 

500 جرام زبده بلوك

 الطريقه

أعجني كله كويس مع بعضها

واتركيها ترتاح نصف ساعه

افرديها بالنشابه ضعي الزبده واتركيها ترتاح في الثلاجه  وكرري الوضع 5 مراتودي اسمها التبنيط وافرديها في صاج وباستعمال الشوكه خرميها بالشوكه وادخليها الفرن حوالي 12 دقيقه في درجه حراره 220 

وعند خروجها من الفرن ترش بماء وسكر وقطعيها وزينيها وابعدي فيها 

وبالهنا والشفا  مع اختكم يسرا محمد

قرص خاصه لافطار أم مريم

 

         قرص خاصه  لافطار     أم مريم

المقادير

كيلو دقيق

كوب سمنه

ربع كوب سكر

معلقة خميره كبيره

سمسم

ماء حسب احتياج العجين

عجوه للحشو

الطريقه

نخلط كله مع بعضه ونعجن ونذود الميه تدريجا ونعجن كويس اوى وتكون عجينة ناعمة و طريه نتركها تخمر وبعد كده نقطع ونشكل حسب الرغبه ونحشى عجوه ونلمع بيض وفانليا ونتركها تتضاعف الحجم ونسوى والف هنا

تحيه خاصه من أم مريم

رضا

وصفه BabzBabz او الباباو للشيف ايمان شلبي

                    وصفه BabzBabz او الباباو  للشيف ايمان شلبي

المكونات 

2كوب دقيق - 4 حبات بيض - معلقه كبيره خميره فوريه - نصف كوب زبده -فانليا - نصف كوب ماء دافئ - معلقه كبيره لبن بودر 2 معلق سكر - كريمه مخفوقه

الشربات

الطريقه
كوب ونصف سكر - 2كوب ماء - شؤايح برتقال عود قرفه تصف لمونه

نضع الخميره مع السكر مع الماء ونقلب ونتركه عشر دقايق حتي تتفاعل الخميره نضع الدقبق مع الالبيض مع الزبده كع اللبن البودر مع الخميره والماء والفانليا ونخفق لمده ربع ساعهحني تيصبح قوام العجينه بيمط معاكي اثنار رفعه من اوعاء ندهن قوالب الكب كيك زبده ونملي الي المنتصف ويترك يخمر ساعه فاكثر ثم يدخل الفرن في حراره 180 حتي يحمر الوش تخرج وتبرد تماما وتوضع في الثلاجه ليله كامله 

تجهز الشربات اثناء غليانه علي النار يوضع الباباز في الشربات اثناء غليانه ختي يصبح كا الاسفنجه ويصفي ثم يقسم ويحشي كريمه مخفوقه او باستري كريم وبزبن بحبات الكريز

 شكر خاص للشيف ايمان شلبي

مشاركه من الفاضله اولادي نور عيني محشي ورق عنب

                     

مشاركه من الفاضله اولادي نور عيني محشي ورق عنب
السلام عليكم النهارده بقي عندنا اكله جامده عايزين تركيز مش في الاكل لااااااء في الصوره ايه رائيكم انا اللي صورتها 😂😂😂😂😂 يلا بقي كفايه ضحك مش علي اخر الليل كده بصوا ياحبايبي دي اكله جميله جدا طبعا هنا في الجروب في اساتذه في عمل المحاشي هنعمل محشي ورق عنب وكرنب وجنبه سمان اه سمان ياجماعه سمان مشوي بس رهيب تحفه هتعجبكم طريقته قوي ان شاء الله يلا مين عايز الطريقه حبايبي فين سمعوني احلي تفاعل ياقمرات
اولا طريقه عمل السمان المشوي: 
بتغسلي السمان كويس جدا وتفتحيه من الضهر وتتبليه ملح وفلفل اسود ومعلقتين صلصه طماطم وبصل بودره وتوم بودره وحبهان مطحون وشويه زيت وتخلطي كله وتبلي السمان وتسيبيه شويه في التتبيله وتشويه علي الجريل وممكن علي الفحم او في صنيه في الفرن وتسويه وتحطي حته فحمه تطفيها بالذيت تحفه. 
اما طريقه محشي الكرنب وورق العنب :
هتسلقي ورق الكرنب في ميه مغليه مع ملح ومعلقه كمون واوعي تخليه يطول احسن يتهري وقسميه وورق العنب تنزليه دقيقه واحده في الميه المغليه وتطلعيه علي طول لانه مش بيستحمل نيجي لخلطه المحشي جميع المحاشي خلطتها واحده ازاي
في ناس بتعمل المحشي ني في ني يعني بتبشر بصل وطماطم وخضرا وزيت ورز وتقلبهم وتحشي جميل بس انا احب المتسبك طبعا دي حريه لكل واحده بحط شويه زيت في طاسه وانزل عليها بالبصل واشوح لغايه البصل مايدبل وننزل بالطماطم ونسيبها لحد ما تتسبك وننزل عليه بالخضره كسبره وبقدونس وشبت وتكوني غسله الرز ومصفياه وضيفيه للخلطه وهنا بقي في تكايه حلوه تفلفل الرز تحطي شويه زيت علي الخلطه وقلبي وهاتي بصله نيه وابشريها وضيفيها للخليط روعه مع شويه كسبره ناشفه ايوه مالازم تطعمي الخلطه بتاعتك علشان ريحه المحشي تجيب من اخر الشارع وممكن تحطي شويه نعناع ناشف روعه وبكده خلطتنا جاهزه نبدأ نحشي المحشي بتاعنا وترصي في الحله وتحطي علي وش المحشي رشه زيت علشان المحشي يلمع وتنزلي بشوربتك الجميله علي المحشي لو معندكيش شوربه ولا يهمك ياقلبي حطي الميه ورشه ملح وواحده مرقه لو معندكيش مرقه مش مشكله مفيش حاجه تقف في طريقنا حطي الميه والملح ورشه بهارات فراخ وبالهنا تستوي وكلي احلي محشي من ايدك ياقمر 

احلي الوصفات عندنا وبس🍔مع احلي وافخم الشيفات هنا وبس🖐✋✊👋🤚👏

اولادي نور عيني

مكرونة كانولوني عزو محجوب

                                 

مكرونة كانولوني

لحمه معصجه

الباشمل..

3معالق دقيق وذيهم سمنه وتوابل فلفل وكزبره وقرفه وتوم اوالموجود 3كوب لبن

جبنه مبشورة

الطريقه

نحشي المكرونة باللحمة المعصجه زي المحشي.

الباشمل

نخت الزيت والدقيق ونشوحهم لمدة5 دقائق فقط ونكب اللبن ونلخبط ونضيف الملح والتوابل ولحدي مايغلي ويعمل صوص سائل

نجيب طاجن او صينية فرن نكب عليو باشمل ونبدأ نرص المكرونة وتاني صوص باشمل وهكذا لحدي آخر حاجه باشمل ونرش الجبنه وندخل الفرن علي درجة حرارة200 لحدي ماتستوي ونحتبرها بالسكين او الشوكه بالهناء لمن تستوي.

تورته النسكافيه. للشيف زينب بكر زغيب مطبخ ثقافات عربيه

           تورته  النسكافيه. للشيف زينب بكر زغيب مطبخ ثقافات عربيه  

مج دقيق

مج لبن حليب

مج زيت عباد. او ذره
مج سكر سنترفيش

تمن كيلو كاكاو خام غامق
4باكو نسكافيه بلاك
2باكو فانيليا 
2باكو بيكنج بودر
3بيضات
                        الطريقه
نضع فى الخلاط الكهربائي. اللبن والسكر ونضربهم جيدا حتى تمام ذوبان السكر. ثم نضيف 2باكو نسكافيه ونصف كميه الكاكاو ونضربهم مره أخرى. 

ثم نضيف الزيت ونضربهم للمره الاخيره

حتى يصبح الخليط غليظ القوام 

ثم نملأ. مج من هذا الخليط. ونضعه بالثلاجه

ثم تضع على باقى الخليط الموجود بالخلاط. الثلاث بيضات. وباكو فانيليا وباقى كميه الكاكاو وال2باكو النسكافيه المتبقين ونضربهم جيدا

يوضع فى اناء الدقيق مع باكو البيكنج بودر ونخلطهم بالمضرب السلك اليدوى

ثم نضع فوق الدقيق الخليط السابق ضربه فى الخلاط ويضرب بالمضرب اليدوى 

ثم ندهن صينيه متوسطه بالزيت فقط ونصب عليها خليط الكيكه وندخلها الفرن على نار متوسطه

واخيرا وفور نضوجها. وخروجها من الفرن نضع فوقها الخليط السابق وضعه فى الثلاجه